Ֆլիկը մեկնաբանել է Լա Լիգայի չեմպիոնական մրցավազքում «Բարսելոնայի» առավելությունը «Ռեալ Մադրիդի» նկատմամբ

«Բարսելոնայի» գլխավոր մարզիչ Հանս-Դիտեր Ֆլիկը խոսել է չեմպիոնական մրցավազքում ստեղծված իրավիճակի մասին Լա լիգայի 30-րդ տուրում «Ատլետիկո Մադրիդի» դեմ տարած հաղթանակից (2:1) հետո։

«Ինչպե՞ս կազդի այս հաղթանակը առաջնության արդյունքի վրա։ Դեռ երկար ճանապարհ կա անցնելու, բայց «Ռեալ Մադրիդն» արդեն յոթ միավորով հետ է մնում։

Գիտեք, մենք երբեք չենք նայում ուրիշներին։ Մենք պետք է մեր գործը անենք։ Այսօր մենք դա արեցինք, մենք ունենք երեք միավոր, և դա լավ է։ Որոշ իրավիճակներում մենք պետք է շատ ավելի լավ խաղայինք։ Մենք պետք է մեր գործը անենք, մենք պետք է հաղթանակի ծարավ լինենք։ Յուրաքանչյուր խաղ տարբեր է, ոչ մեկը հեշտ չէ։ Երբ մենք կենտրոնացած ենք, մենք որակ ունենք, և դա է, ինչ ես սպասում եմ», - Ֆլիկի խոսքերն է մեջբերում Marca-ն։

Իսպանիայի առաջնության 30 խաղից հետո «Բարսելոնան» ունի 76 միավոր և գլխավորում է մրցաշարային աղյուսակը: «Ռեալ Մադրիդը» երկրորդն է՝ 69 միավորով: