SPORTSWORLD.AM
Իսպանիայի ֆուտբոլի թագավորական ֆեդերացիան (RFEF) հրապարակել է մրցավար Մատեո Բուսկետս Ֆերերի և VAR կենտրոնի միջև զրույցների ձայնագրությունները ՝ կապված Իսպանիայի Լա լիգայի 30-րդ տուրի՝ «Ատլետիկոյի» դեմ խաղում (2:1) «Բարսելոնայի» պաշտպան Ժերար Մարտինի հեռացման որոշումը չեղյալ համարելու հետ , հայտնում է` Mundo Deportivo-ն։
«Մատեո, խորհուրդ եմ տալիս դիտել տեսանյութը՝ կարմիր քարտի հնարավոր չեղարկման հարցը գնահատելու համար։ Իմ կարծիքով, սա այն պահն է, երբ «Բարսելոնայի» խաղացողը գնդակը խաղում է նորմալ՝ խաղի բնական դինամիկայի շրջանակներում, իսկ հետո շփումը «Ատլետիկոյի» խաղացողի հետ տեղի է ունենում բնականաբար», - ասվում էր VAR սենյակում։ Դրան մրցավարը, միջադեպը վերանայելուց հետո, պատասխանել է. «Լավ, «Բարսելոնայի» խաղացողը վերահսկում է գնդակը, խաղում է այն, ապա հարձակվում. խաղի բնական շարունակությունը։ Ես կչեղարկեմ կարմիր քարտը և նրան դեղին քարտ կցուցադրեմ, լա՞վ»։ VAR-ը պատասխանել է. «Ճիշտ է, համաձայն եմ»։
Հանդիպման 46-րդ րոպեին կատալոնացի պաշտպանը, փորձելով խլել գնդակը, իր մեխերով հարվածեց «Ատլետիկոյի» կիսապաշտպան Տիագո Ալմադայի ոտքին։ VAR-ը դիտելուց հետո մրցավարը որոշեց, որ խաղացողը նախկինում խաղացել էր գնդակի հետ և չեղյալ հայտարարեց կարմիր քարտը։