SPORTSWORLD.AM
ՊՍԺ-ի դարպասապահ Ջանլուիջի Դոննարումման համաձայնել է «Մանչեսթեր Սիթիի» հետ անձնական պայմանագրի պայմաններին։ Այս մասին հայտնել է լրագրող Ֆաբրիցիո Ռոմանոն իր X սոցիալական ցանցի էջում։
Աղբյուրի տեղեկացմամբ՝ ներկայումս «քաղաքացիները» և ֆրանսիական հսկան բանակցություններ են վարում գործարքի պայմանների վերաբերյալ։ Ընդգծվում է, որ տրանսֆերի գումարը կկազմի 50 միլիոն եվրոյից պակաս, որը ՊՍԺ-ն սկզբնապես պահանջել էր։
Իտալացու տեղափոխությունը «Մանչեսթեր Սիթի» դեռևս կախված է դարպասապահ Էդերսոնի՝ այս ամռանը ակումբից հեռանալուց։ Բրազիլացի դարպասապահի ծառայություններով հետաքրքրված է «Գալաթասարայը»։
Անցած մրցաշրջանում Դոննարումման բոլոր մրցաշարերում անցկացրել է 47 խաղ, որոնցից 17-ում դարպասը պահել է անառիկ։ Ֆուտբոլիստի ներկայիս աշխատանքային պայմանագիրը ակումբի հետ նախատեսված է մինչև 2026 թվականի ամառը։ Transfermarkt պորտալում տրամադրված տեղեկատվության համաձայն՝ ֆուտբոլիստի շուկայական արժեքը կազմում է 40 միլիոն եվրո։