«Բավարիայի» լեգենդը նշել է գերմանական գրանդի գլխավոր խնդիրը

«Բավարիայի» տնօրենների խորհրդի անդամ` Կարլ-Հայնց Ռումենիգեն, ով վերադարձել է ակումբ 2023 թվականին, Վինսենթ Կոմպանիի հետ միասին կարևոր դեր է խաղացել ակումբի Բունդեսլիգայի չեմպիոնական տիտղոսին վերադառնալու գործում: «Welt am Sonntag»-ին տված հարցազրույցում 69-ամյա պաշտոնյան խոսել է ակումբի ներքին խնդիրների, մասնավորապես՝ խաղացողների աշխատավարձերի վրա չափազանց մեծ ծախսերի մասին:

«Մեր հիմնական խնդիրներից մեկն այն է, որ աշխատավարձերը չափազանց բարձր են։ Սա վերաբերում է նաև «Բավարիային»։ Մենք պետք է ինքնաքննադատաբար ընդունենք, որ որոշ դեպքերում մենք չափազանց առատաձեռն ենք եղել», - խոստովանեց Ռումենիգեն։

Նրա խոսքով՝ ակումբը մտադիր է վերանայել աշխատավարձի ֆոնդի կառուցվածքը։ Այս ուղղությամբ առաջին քայլերը սպասվում են ամռանը, մասնավորապես՝ Լերոյ Սանեն, ըստ Ռումենիգեի, հուլիսի 1-ին կհեռանա «Գալաթասարայից»։

«Իդեալականում 14-16 խաղացող պետք է աշխատավարձ ստանան «շատ պատշաճ մակարդակով», ևս 4-6-ը՝ միջին մակարդակով: Թիմի մնացած մասը իրենց սեփական ակադեմիայի երիտասարդներ են: Ինչպես ցույց է տալիս ՊՍԺ-ի օրինակը, նույնիսկ ֆինանսական մոդելը վերանայելիս կարելի է հաջողության հասնել», - ընդգծեց նա:

Ռումենիգեն նաև մեկնաբանեց Ֆլորիան Վիրցի՝ «Բավարիա» տեղափոխվելուց բարձրաձայն հրաժարվելը. կիսապաշտպանը նախընտրեց «Լիվերպուլի» առաջարկը.

«Մենք արեցինք այն ամենը, ինչ կարող էինք։ Այս դեպքում ոչ ոք սխալ չէր։ Դա Ֆլորիանի որոշումն էր, և այն պետք է հարգվի»։