SPORTSWORLD.AM
Մբապեն հաջորդ մրցաշրջանում կարող է Մադրիդի «Ռեալում» կրել 10 համարի մարզաշապիկը, նույնը, որը կրում է Ֆրանսիայի ազգային հավաքականում։ Սակայն, ըստ Marca-ի, Կիլիանը չի խնդրել այդ համարը իր համար։
Այնուամենայնիվ, մադրիդյան ակումբը ցանկանում է նրան տալ 10 համարը։ Նրանք կարծում է, որ այս համարը կխթանի մարզաշապիկների վաճառքը, կաջակցի մարքեթինգին, կամրապնդի ապրանքանիշը և կընդգծի Մբապեի առաջատարի կարգավիճակը։
Խամես Ռոդրիգեսի տրանսֆերից հետո այս համարը պատկանում էր լեգենդար Լուկա Մոդրիչին: Ակումբային աշխարհի առաջնությունից հետո խորվաթ ֆուտբոլիստը կհեռանա «Ռեալից» և, ամենայն հավանականությամբ, կմիանա «Միլանին», ուստի համարը կմնա թափուր:
Հիշեցնենք, որ Կիլիանը «Ռեալ Մադրիդ» տեղափոխվեց անցյալ ամռանը՝ որպես ազատ գործակալ։ Այս մրցաշրջանում ֆրանսիացին մասնակցել է 56 հանդիպման, դարձել 43 գոլի և 5 գոլային փոխանցման հեղինակ: Transfermarkt պորտալը ֆուտբոլիստին գնահատում է 180 միլիոն եվրո։