«Լոկոմոտիվը» դիմել է Նաիր Թիկնիզյանին

Հայաստանի ազգային հավաքականի պաշտպան` Նաիր Թիկնիզյանը այսօր հունիսի 22-ին պաշտոնապես ներկայացվել է որպես սերբական «Ցրվենա Զվեզդայի» ֆուտբոլիստ։

Տեղափոխության մասին պաշտոնական հայտարարությունից կարճ ժամանակ անց Մոսկվայի «Լոկոմոտիվը» հրապարակել է Թիկնիզյանի մոսկովյան ակումբի կազմում անցկացրած խաղերից մի քանի լուսանկար։ Հրապարակմանը կից գրառման մեջ նշված է.

«Սա վառ պատմություն էր՝ իրական հույզերով, նվիրվածությամբ և բնավորությամբ։ Շնորհակալություն ամեն ինչի համար, Թիկի՛»,-ասվում է հաղորդագրության մեջ։

Նաիր Թիկնիզյանը «Լոկոմոտիվի» կազմում անցկացրել է 122 հանդիպում՝ դառնալով 16 գոլի և  17 գոլային փոխանցման հեղինակ: