SPORTSWORLD.AM
«Լիվերպուլի» գլխավոր մարզիչ Արնե Սլոտը մեկնաբանել է իր թիմի եգիպտոսցի հարձակվող` Մոհամեդ Սալահի արձագանքը:
«Նա ունի բոլոր իրավունքները այդպես զգալու։ Ինչ վերաբերում է ինձ, ես դա, անշուշտ, չեմ զգացել մինչև շաբաթ երեկո։ Որովհետև, որպես կանոն, երբ խաղացողը դադարեցնում է խաղալը, նա այդքան էլ չի սիրում մարզչին։ Միևնույն ժամանակ, նա միշտ մեծ հարգանք է ցուցաբերել իմ անձնակազմի, իր թիմակիցների նկատմամբ և շատ ջանասիրաբար մարզվել է։ Այսպիսով, որոշ չափով ինձ համար անակնկալ էր լսել նրա մեկնաբանությունները խաղից հետո։
Բայց, ինչպես ասացի, սա առաջին կամ վերջին դեպքը չէ, որ խաղացողը, որը խաղաժամանակ չի ստանում՝ չգիտեմ՝ նա հուզված էր, թե ոչ, նման բան է ասում։ Իմ արձագանքը նույնպես հասկանալի է. նա այսօր մեզ հետ չէ», - Սլոթի խոսքերն է մեջբերել ակումբի մամուլի ծառայությունը։
Սալահը ընթացիկ մրցաշրջանում «Լիվերպուլի» կազմում անցկացրել է 19 հանդիպում, դարձել հինգ գոլի և երեք գոլային փոխանցման հեղինակ: Հարձակվողի ներկայիս աշխատանքային պայմանագիրը ակումբի հետ նախատեսված է մինչև 2027 թվականի ամառը։